اسلام آباد۔4جولائی(اے پی پی) پاکستان غزہ دے میڈیکل طالبیں کوں پاکستان اچ میڈیکل دی تعلیم مکمل کرݨ دی اجازت ݙیوݨ دا اعلان کیتے ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اے فیصلہ نائب وزیراعظم تے وزیر خارجہ محمد اسحاق ڈار دی ہدایت تے پاکستان میڈیکل اینڈ ڈینٹل کونسل (پی ایم ڈی سی) کیتے ، ایں توں غزہ دے طالب پاکستان اچ انسانی ہمدردی دی بنیاد تے آپݨی طبی تعلیم جاری رکھ سڳسن ۔ انہاں آکھیے غزہ توں تعلق رکھݨ آلے فلسطینی طالب 20 توں 30 دے بیچ اچ وختی پاکستان دے میڈیکل کالجاں اچ رلسن ۔ ترجمان آکھیے ایں فیصلے توں غزہ دے طالب پاکستان اچ کارڈیالوجی، آرتھوپیڈکس، آنکولوجی، پیڈیاٹرکس اتے سرجری دے شعبیں اچ آپݨی طبی تعلیم مکمل کرسڳسن تاں جو غزہ دے صحت دی ݙیکھ بھال دے نظام اچ اہم ضرورتاں کوں پورا کیتا ونڄ سڳے۔
