اسلام آباد۔3دسمبر (اے پی پی):گزشتہ چووی گھنٹے اچ کورونا وائرس پاروں خیبرپختونخوا دے بعد پنجاب اچ ساریں توں ودھ اموات ریکارڈ کیتیاں ڳئن ۔ پورے ملک اچ گزریل چووی گھنٹے اچ کورونا وائرس توں 8 اموات تھئن ۔نیشنل کمانڈ اینڈ آپریشن سینٹر دی طرفوں جاری تھیوݨ آلے اعدادو شمار موجب گزریل 24 گھنٹے اچ پورے ملک اچ 391 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ کووڈ۔ 19 دے مریضاں دے تناسب دے لحاظ نال پشاور اچ 16 فیصد، اسلام آباداچ 14 فیصد،ملتان اچ 14 فیصد اتے سرگودہا میں 13 فیصد مریض ہن ۔گزریل چووی گھنٹے اچ کووڈ۔19 دے 46 ہزار 457 ٹیسٹس کیتے ڳئن جنہاں اچوں سندھ اچ 14 ہزار 359، پنجاب اچ 17 ہزار 85، خیبرپختونخوا اچ 8 ہزار 108،اسلام آباد اچ 4 ہزار 539، بلوچستان اچ 1 ہزار 867، گلگت بلتستان اچ 254 ٹیسٹ، آزاد کشمیر اچ 245 ٹیسٹ شامل ہن ۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 12 لکھ 45 ہزار 155 تھی چکی اے ۔
