نیویارک۔22مئی (اے پی پی):وزیر خارجہ مخدوم شاہ محمود قریشی آکھیے جو مسئلہ کشمیر اساݙی خارجہ پالیسی دا اہم ستون اے۔اے ڳالھ انہاں ڈاکٹر غلام نبی فائی،سیکرٹری جنرل ورلڈ کشمیر آگاہی فورم دی قیادت اچ کشمیری رہنماواں دے وفد نال ڳالھ کریندے ہوئیں آکھی اے جنہاں گزریل ݙینھ انہاں نال نیو یارک اچ ملاقات کیتی۔اقوام متحدہ اچ پاکستان دے مستقل مندوب منیر اکرم وی ایں موقع تے موجود ہن۔ملاقات اچ مقبوضہ جموں و کشمیر اچ جاری انسانی حقوق دیاں سنگین خلاف ورزیاں دے حوالے نال ڳالھ مہاڑ تھئی ۔شاہ محمود قریشی آکھیے جو عالمی برادری کوں اے سمجھݨ دی لوڑھ اے جو جݙاں تئیں مسئلہ کشمیر کوں اقوام متحدہ، سلامتی کونسل دیاں قرارداداں دے مطابق حل نی کیتا ویندا ، جنوبی ایشیا اچ امن دا خواب شرمندہ ء تعبیر نی تھی سڳدا ، اساکوں مقبوضہ جموں و کشمیر اچ جاری انسانی حقوق دیاں سنگین خلاف ورزیاں تے ودھ ساری تشویش اے ۔
