اسلام آباد ۔ 14 نومبر (اے پی پی) وزیر اعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو قانون دے مطابق محمد نواز شریف دے ولنڑ کتیے ضمانت منگی گئی اے،شہباز شریف اپنڑے بھرا دی جان دا خیال کرن اتے انا دی بجائے انہاں دے علاج کیتے ذمہ داری ڈکھاون،مولانا فضل الرحمن دا اے آلی کار پلان بی وی ناکام تھیسی۔اے گالھ انہاں اسلام آباد ہائی کورٹ اچ پیشی دے بعدمیڈیا نال الویندے کیتی۔انہاں آکھیے جو نوازشریف توں ضمانتی بانڈ منگنڑدامقصد سیاسی فیدہ چاونڑ نئیں صرف ہک قانونی ضرورت اے،انہاں صرف علاج کیتے باھرو ونجنڑ دی اجازت ڈتی اے۔ انہاں آکھیے جو جنرل مشرف دے باھرو ونجنڑاتے نوازشریف دے باھرو ونجنڑ اچ وڈا فرق اے،مشرف سزا یافتہ نہ ہن بھل نواز شریف عدالتاں توں سزا یافتہ ہین اتے انہاں داناں ای سی ایل اچ اے۔ انہاں آکھیے جو ضمانتی بانڈ اچ نقد دی بجائے صرف واپسی دی گارنٹی منگی گئی اے،مسلم لیگ ن نواز شریف دی صحت تے سیاست نہ کرے،سیاست ول کریندے راہسوں،پہلے علاج تے توجہ ڈتی ونجے۔انہاں آکھیے جو مولاناکوں اپنڑے دھرنے دی ناکامی توں سبق سکھنڑا چاہیدے،عوام سیاسی فنکاریاں جانڑ گین، چنگاں ہوسی جو او صرف تیرہاں تے بولڈ تھیونڑتوں بعدبئے کہیں پلان توں باز راہون۔
