راولپنڈی ۔22جون (اے پی پی):وزیراعظم محمد شہباز شریف سپاہی ہارون ولیم دی آخری رسومات اچ شرکت کیتی تے ملک دی ترقی اچ انہاں دے کردار ، مسیحی برادری دی خدمات اتے قربانیاں دی تعریف کیتی ۔وزیر اعظم آفس دے میڈیا ونگ توں جاری بیان موجب اسلام آباد دے رہائشی 29 سالہ سپاہی ہارون ولیم دی آخری رسومات ہفتے کوں سینٹ پال چرچ راولپنڈی اچ ادا کیتیاں ڳئن ۔ عقیدت مند مسیحی سپاہی ولیم مادر وطن دے دفاع اچ لازوال قربانی ݙتی تے گزریل ݙینھ ضلع کرم اچ انسداد دہشت گردی آپریشنزاچ ڈیوٹی دے دوران جام شہادت نوش کیتا۔ تقریب اچ وزیر اعظم ، وزیر دفاع، وزیر داخلہ، وزیر اطلاعات و نشریات، چیف آف آرمی سٹاف، اعلیٰ سول و فوجی افسران، فوجیاں، شہریاں اتے شہید دے لواحقین شرکت کیتی۔وزیراعظم ملک دی ترقی اچ مسیحی برادری دی خدمات اتے قربانیاں دی تعریف کیتی انہاں ایں ڳالھ تے زور ݙ??ے جو پاکستان دی مسلح افواج ھک مربوط یونٹ اے، جیں اچ متنوع پس منظر دے لوک شامل ہن جیڑھی ریاست دے اجتماعی دفاع سانڳے کوشاں ہن ۔چیف آف آرمی سٹاف جنرل سید عاصم منیر سپاہی ہارون ولیم، سپاہی انوش رفون اتے انہاں دے ساتھیاں دی قربانیاں کوں خراج تحسین پیش کریندے ہوئیں انہاں دے اتحاد اتے بہادری قوم دی طاقت دی مثال اے۔ انہاں ایں عزم دا اعادہ کیتے جو قوم مادر وطن د?? حرمت سانڳے انہاں دی خدمات اتے قربانیاں دی ہمیشہ مقروض رہسی ۔سپاہی ہارون ولیم کوں پورے فوجی اعزاز نال راولپنڈی اچ سپرد خاک کر ݙ??ا ڳئے ۔ حوالدار عقیل احمد (اوکاڑہ)، لانس نائیک محمد طفیر (پونچھ)، سپاہی انوش رفون (اٹک) اتے سپاہی محمد اعظم خان (ہری پور) دی نماز جنازہ وی پورے فوجی اعزاز نال انہاں دے آبائی علاقیں اچ ادا کیتی ڳئی ۔پاکستان دی مسلح افواج مادر وطن توں دہشت گردی مکاوݨ سانڳے پرعزم اے۔
