اسلام آباد۔27??گس?? (اے پی پی) وفاقی وزیر داخلہ محسن نقوی نیشنل پولیس اکیڈمی دے دورے دے دوران اکیڈمی دی اپ گریڈیشن دے پراجیکٹ ??وں تکھا کرݨ، 126 کمریں تے مشتمل 11 منزلہ ہاسٹل ??وں پنج مہینے اچ مکمل کرݨ، زیر تربیت افسراں دی ایف آئی اے، فرانزک ایجنسی اتے ݙوجھے اداریں نال اٹیچمنٹ دے فیصلیں تے پیش رف?? دا جائزہ گھنݨ اتے نیشنل کمانڈ کورس مکمل کرݨ آلے اے ایس پیز ??وں ایم ایس کریمنالوجی اتے پولیس اسٹڈیز دی ڈگری ݙیوݨ دی منظوری سودھے ٻہوں سارے اہم اقدامات دا اعلان کیتا۔ وزیر داخلہ محسن نقوی نیشنل پولیس اکیڈمی اچ زیر تعمیر ہاسٹل دے کم دا معائنہ کیتا اتے ہدایت ݙتی جو تعمیراتی رف??ار دے نال معیار تے وی کہیں قسم دا سمجھوتہ نہ کیتا ونڄے۔ انہاں سوئمنگ پول دا دورہ کیتا، زیر تربیت افسراں وچال تھیوݨ آلا سوئمنگ مقابلہ ݙٹھا اتے پروبیشنرز و انسٹرکٹرز دی حوصلہ افزائی کیتی۔ ایں توں بعد وزیر داخلہ زیر تربیت افسراں دے کلاس رومز دا دورہ کیتا، انہاں نال ملاقات کیتی اتے افسر میس اچ اے ایس پیز دے نال ٻہہ تے کھاݨے دے معیار دا وی جائزہ ڳھدا۔ محسن نقوی زیر تربیت افسراں دیاں تجویزاں وی سُݨیاں اتے سہولتاں اچ بہتری دے حوالے نال اقدامات کرݨ دا یقین ݙیوائے۔ ایں موقع تے وزیر داخلہ نیشنل پولیس اکیڈمی اچ اجلاس دی صدارت کیتی جیں اچ ادارے دی نویں تنظیم اتے گزریل اجلاس اچ کیتے ڳئے فیصلیں تے عملدرآمد دی پیش رف?? دا تفصیلی جائزہ ڳھدا ڳیا۔ بریفنگ اچ ݙسایا ڳیا ??و تربیتی پروگرام اچ تھاݨے دے باقاعدہ دورے، سیف سٹی پراجیکٹ، ایف آئی اے، سائبر کرائم اتے فرانزک دے شعبیں اچ اٹیچمنٹ شامل کیتی ڳئی اے۔ زیر تربیت اے ایس پیز نیشنل پولیس اکیڈمی اچ سہولتاں دی بہتری تے وزیر داخلہ محسن نقوی دا شکریہ ادا کیتا۔ دورے دے موقع تے ڈپٹی کمانڈنٹ نیشنل پولیس اکیڈمی، چیف کمشنر اسلام آباد، ممبر انجینئرنگ سی ڈی اے اتے ݙوجھے اعلیٰ حکام وی موجود ہن
