اسلام آباد۔6دسمبر (اے پی پی) وفاقی وزیر قانون، انصاف تے انسانی حقوق سینیٹر اعظم ??ذی?? تارڑ آکھیا جو آئین پاکستان ساری قومیتاں کوں ہکو سویں حقوق ݙیندے، بانی پاکستان قائداعظم محمد علی جناح وی اقلیتاں کوں ہکو سویں حقوق ݙیوݨ دا یقین ݙوائے۔ اقلیتی برادری دے پراݨے مط??لبے تے وزارت قانون پہلے قومی اقلیتی کمیشن ٻݨاوݨ دا مسودہ وفاقی کابینہ کوں پیش کر ݙتے جو کرسمس دے موقع تے مسیحی برادری کیتے خوشی دی خبر اے۔ اے ڳالھیں انہاں جمعے کوں وزارت اطلاعات تے نشریات اتے پاکستان نیشنل کونسل آف آرٹس (پی این سی اے) ولوں ”دی اسلام آباد کرسچین فیلوشپ” ولوں کرسمس بارے تھیوݨ آلی تقریب توں خطاب کریندیں ہوئیں آکھی۔ وفاقی سیکرٹری اطلاعات و نشریات عنبرین جان، سپریم کورٹ آف پاکستان ولوں ٻݨائے ڳئے ون مین منیارٹی کمیشن د?? چیئرمین ڈاکٹر شعیب سڈل، سابق رکن قومی اسمبلی آسیہ ناصر، سابق ایئر چیف مارشل مجاہد انور خان اتے پاکستان اچ فلسطین د?? سفیر ڈاکٹر ظہیر محمد حمد اللہ زید خصوصی طور شریک تھیے۔
وفاقی وزیر آکھیا جو آئین پاکستان ساری قومیتاں کوں ہکو سویں حقوق ݙیندے۔ بانی پاکستان قائداعظم محمد علی جناح وی اقلیتاں کوں ہکو سویں حقوق ݙیوݨ دا یقین ݙوائے۔مسیحی برادری کیتے کرسمس دے موقع تے خوشی دی خبر شیئر کرݨ چاہنداں جو اقلیتاں دے پراݨے مط??لبے تے پہلا قومی اقلیتی کمیشن ٻݨایا ویندا پئے جیڑھا گزریل ݙینھ وفاقی کابینہ اچ پیش کر ݙتا ڳئے۔ قومی اسمبلی اتے سینیٹ اچ اے مسودہ جلدی پیش کر ݙتا ویسی۔ اعظم ??ذی?? ایں موقع تے غزہ دے مظلوم فلسطینیاں نال وی ہمدردی کیتی۔
ایں موقع تے تقریب دے مہتمم کیپٹن (ر) بابر برنارڈ مسیح وفاقی وزیر تے ٻئے مزماناں دا خیر مقدم کیتا اتے ہک دستاویزی فلم ݙکھائی ڳئی جئیں اچ ڈاکٹر ایس کے ٹریسلر، گروپ کیپٹن (ر) سوشل سیسل چوہدری (ستارہ جرأت)، میجر جنرل (ر) کھوکھر (ہلال امتیاز)، سابق ایس ایس پی پ??لیس روبن یامین سہوترا، ڈاکٹر روتھ فائو، ڈاکٹر شیلا چائو، بریگیڈیئر (ر) ڈاکٹر رابرٹ اتے ملکی دفاع کیتے ??رب??نیاں ݙیوݨ آلے افسراں دے علاوہ، صحت، تعلیم، جوہری توانائی، سول سروس تے ٻئی نشابر شعبیاں اچ خدمات ݙیوݨ آلیاں کوں ݙکھایا ڳئیا۔ تقریب دا اختتام ملک تے قوم دی ترقی ،خوشحالی تے سلامتی کیتے خصوصی دعائیں نال تھیا۔
.jpg)
