اسلام آباد۔30جولائی(اے پی پی)وزیراعظم دے مشیر برائے بین الصوبائی رابطہ رانا ثناءاللہ آکھیے جو قومی سیاحتی پالیسی دے فریم ورک تے رل تے کم کرݨا ہوسی۔ وفاقی دارالحکومت اسلام آباد اچ وزیراعظم دے مشیر برائے بین الصوبائی رابطہ رانا ثناءاللہ دی زیر صدارت سیاحت تے اہم اجلاس تھیا جیںدے اچ قومی سیاحتی پالیسی تے غور کیتا ڳیا۔ اجلاس اچ وزیراعظم دے قومی کوآرڈینیٹر برائے سیاحت سردار یاسر الیاس خان، سیکرٹری برائے بین الصوبائی رابطہ محی الدین وانی اتے منیجنگ ڈائریکٹر گرین ٹورازم سردار اظہر حیات سودھا ٻئے اعلیٰ حکام وی شریک ہن۔ اجلاس دے اعلامیے دے مطابق، رانا ثناءاللہ سارے سٹیک ہولڈرز کوں قومی سیاحتی پالیسی دے فریم ورک تے رل تے کم کرݨ دی ہدایت کیتی۔ انہاں دا آکھݨ ہا جو وزیراعظم پاکستان اچ سیاحت دے فروغ کیتے ٻہوں سنجیدہ ہین، قومی سیاحتی پالیسی دے نفاذ نال صوبے وفاق نال تعاون کریسن۔ ملک اچ ٹورازم دے حوالے نال معاملات مختلف محکمیاں اچ کھنݙیے ہوئین۔ رانا ثناءاللہ سٹیک ہولڈرز کوں ݙو ہفتیاں اچ قومی سیاحتی پالیسی دا کم مکمل کرݨ دی ہدایت کیتی۔
.jpg)
