اسلام آباد۔22مئی(اے پی پی)قومی اسمبلی دے ارکان بھارت ولوں س??دھ طاس معاہدہ کوں معطل کرݨ دے اعلان اتے خضدار اچ دہشت گردی دے واقعہ دی مذمت ??ریندے ہوئیں آکھیے جو عالمی قوانین دے موجب پاݨی وہݨ کوں روکیا نی ونڄ سڳدا، پ??کستان فلسطین اتے بھارت اسرائیل کائنی، جے بھارت پاݨی بند کرݨ دی کوشش کیتی تاں ایندا بھرپور جواب ݙتا ویسی۔ قومی اسمبلی دے اجلاس اچ بھارت ولوں س??دھ طاس معاہدہ کوں معطل کرݨ دے اقدام اتے خضدار اچ دہشت گردی دے واقعہ تے بحث اچ حصہ گھندے ہوئیں پی پی پی دے اعجاز جاکھرانی آکھیے جو خضدار اچ اساݙے ٻالاں کوں ٻے رحمانہ طریقے نال شہید کیتا ڳئے، بلوچستان دے واقع??ت اچ بھارت ملوث اے، ایندے توں پہلے جعفر ایکسپریس دے واقعہ اچ وی بھارت ملوث رہیے، اساں انہاں واقع??ت اچ شہید تھیوݨ آلیں دے خانداناں دے ݙکھ اچ برابر دے شریک ہیسے۔ انہاں آکھیے جو سندھ طاس معاہدہ اساݙی لائف لائن اتے پاکستان کیتے اہمیت دا حامل اے، ایں معاہدے اچ عالمی بینک ہک فریق اے۔ معاہدے دے موجب دریائے سندھ دا 70 فیصد کنٹرول پاکستان اتے 30 فیصد بھارت کنے ہوسی، پ??ک بھارت جنگاں دے باوجود کݙاہیں وی پاݨی بند نی کیتا ڳیا، عالمی قوانین موجب پاݨی دے وہݨ کوں روکیا نی ونڄ سڳدا، مودی اسرائیل وانگوں پاݨی بند کرݨ دی نقل کریندا پئے، پ??کستان فلسطین اتے بھارت اسرائیل کائنی، جے بھارت پاݨی بند کرݨ دی کوشش کیتی تاں ایندا بھرپور جواب ݙتا ویسی۔ میاں خان بڳٹی آکھیے جو خضدار اچ کل دل خراش واقعہ تھئے جیندی اساں بھرپور مذمت ??ریندوں ، ٻالاں کوں ہدف بݨا تے دہشت گرد آپݨے مذموم عزائم اچ کامیاب نی تھی سڳدے، بلوچستان اچ بھارت اتے ایندے ایجنٹ سالاں توں مصروف عمل ہن۔ اساں ریاست توں اپیل کریندوں جو او دہشت گردی مکاوݨ کیتے جامع اقدامات کرے۔ انہاں آکھیے جو بلوچستان دے ترقیاتی منصوبیں تے توجہ ݙتی ونڄے تاں جو اینکوں ملک دے باقی حصیں دے برابر گھن آیا ونڄ سڳے
.jpg)
