فیصل آباد۔17جنوری (اے پی پی):پی ٹی آئی دے مرکزی رہنما ووفاقی پارلیمانی سیکرٹری ریلویز میاں فرخ حبیب آکھیا جو (ن) لیگ اتے پیپلزپارٹی کس منہ نال الیکشن کمیشن دے باہروں احتجاج کرݨ ویسی انہاں ݙواں جماعتاں چار سال توں سکرونٹی کمیٹی کوں اپݨے کھاتیاں اچ آوݨ آلے ارباں روپے دی رسیداں جمع نئیں کروائیاں جݙانڄو ایں پاروں ݙتی گئی پنج نومبر دی ڈیڈ لائن گزر گئی اتے ولا وی چوری اتے اوتوں سینہ زوری کریندے پئن تے بلاول بھٹو الیکشن کمیشن کوں دھمکیاں ݙیوݨ دی بجائے اپݨی جماعت دی فارن فنڈنگ بارے جواب ݙیوے۔اتوار دے ݙینھ میڈیا نال ڳالھ مہاڑ کریندے ہوئیں انہاں آکھیا جوسیاست اہلیت دی بجائے وراثت اچ ملے تاں اے حال تھیندے جو پی ڈی ایم دا اے۔انہاں آکھیے جو پی ڈی ایم دی تحریک دم ٹوٹ ڳئے اتے ذاتی مفادات و کرپشن کوں بچاوݨ دی تحریک ہݨ چوراہواں دے جلسیاں تئیں تھی گئی اے ۔ انہاں آکھیے جو براڈ شیٹ معاملے تے وزیراعظم عمران خان کمیٹی قائم کر ݙتی اے اتے ۔ انہاں آکھیا جو اپوزیشن دی لٹ مار ساریاں توں ودھ ملک کوں گھاٹا پہنچائے ولا وی نوازشریف لندن اچ ملک دے قومی اداریاں دے خلاف مسلسل حملہ آور اے۔انہاں آکھیے جو وزیر اعظم عمران خان پر عزم ہن کہ اےسارے جومرضی کرن احتساب دے شکنجے دی گرفت نرم نہ تھیسی اتے حکومت احتساب کرݨ آلے اداریاں دی راہ اچ کوئی رکاوٹ یا انہاں تے کوئی دباؤ نہ آوݨ ݙیسی ۔انہاں آکھیا جو مسلم لیگ (ن) اتےپیپلز پارٹی دی سیاست ایں حالت اچ اے جو مولانا فضل الرحمان انہاں دی قیادت کریندے پئن تانجو انہاں دا اللہ ہی حافظ اے۔
.jpg)
