اسلام آباد۔17اکتوبر(اے پی پی) صدر مملکت آصف علی زرداری نال پاکستان اچ وفاقی جمہوریہ جرمنی دی سفیر اینا لیپل ایوانِ صدر اچ ملاقات کیتی اتے پاکستان اتے جرمنی دے ݙو طرفہ تعلقات، تجارت اتے سرمایہ کاری ودھاوݨ تے ڳالھ مہاڑ کیتی ۔ ایوان صدر دے ??ریس ونگ توں جاری بیان موجب صدر مملکت آصف علی زرداری پاکستان دے ??ال جرمنی دی پراݨی شراکت داری اتے موسمیاتی اقدامات، تریمتاں کوں اختیار ݙیوݨ، سماجی تحفظ اتے ا??سانی وسائل دی ترقی دے شعبیں اچ مسلسل حمایت دی تعریف کیتی۔ انہاں پاکستان-جرمنی موسمیاتی شراکت معاہدے کوں وقتی حتمی شکل ݙیوݨ دی لوڑھ تے روشنی پاتی اتے ݙسایا جو ݙوہیں ملکاں عالمی موسمیاتی چیلنجز نال نبݨݨ اچ سانجھے اہداف رکھیندن۔ صدرمملکت پاکستان اچ جرمن سرمایہ کاری خاص ??ور??ے قابل تجدید توانائی، انفارمیشن ٹیکنالوجی اتے صنعتی شعبیں اچ تعاون دا خیرمقدم کیتا اتے پاکستان دیاں غیرملکی سرمایہ کاراں کیتے خصوصی مراعات تے وی ڳالھ مہاڑکیتی۔ انہاں آکھیا جو کراچی اچ پاکستان-جرمنی چیمبر آف کامرس دے ??یام نال تجارتی اتے معاشی تعلقات کوں مزید ودھارا مِلسی۔ ݙوہیں ملکاں وچال سٹریٹجک ڈائیلاگ تے ڳالھ مہاڑ کریندے صدرمملکت اڄوکے سال دے چھیکڑ اچ پاکستان-جرمنی سٹریٹجک ڈائیلاگ دے چھیویں دور دی میزبانی دی جرمن پیشکش دا خیرمقدم کیتا اتے علاقائی اتے بین الاقوامی فورمز تے ݙو طرفہ تعاون دے ??ثبت رُجحان دی تعریف کیتی ۔ صدرمملکت آصف علی زرداری افغان ری لوکیشن پروگرام اچ سہولت کیتے جرمنی دے کردار کوں وی تسلیم کیتا اتے یورپی یونین اچ پاکستان دے جی ایس پی پلس اسٹیٹس کیتے ایں دی مسلسل حمایت دی تعریف کیتی۔ جرمن سفیر صدر مملکت کوں ݙسایا جو پاکستان اچ اے ا??ہاں دی تریجھی واری تعیناتی اے اتے سفیر دے طور تے اے ا??ہاں دا ݙوجھا دور اے۔ او ایں توں پہلے 2006 توں 2009 اتے ول 2015 توں 2019 تئیں پاکستان اچ خدمات انجام ݙے چُکئن۔ تعلیم، ہُنر مند افرادی قوت دی نقل و حرکت اتے قونصل امور متعلق امور تے وی ڳالھ مہاڑ کیتی ڳئی۔ صدر مملکت جرمنی اچ اعلیٰ تعلیم حاصل کرݨ آلے پاکستانی طالب علماں دی ودھدی تعداد تے اطمینان دا اظہار کیتا اتے فیملی ری یونین اتے بزنس ویزا اچ تاخیر دے ??قتی حل تے زور ݙتا۔
