اسلام آباد۔ 18 ستمبر (اے پی پی) وفاقی وزیر قومی غذائی تحفظ و تحقیق رانا تنویر حسین پولینڈ دے سفیر نال اعلیٰ سطحی ملاقات وچ زراعت دے شعبے وچ ݙوپاسے تعاون ودھاوݨ، پاکستان دی زرعی برآمدات وچ ودھارے تے سینیٹری و فائٹوسینیٹری (ایس پی ایس) تقاضیں متعلق مسئلیں دے حل تے تفصیلی ڳالھ مہاڑ کیتی۔ وزارت توں جاری پریس ریلیز موجب وفاقی وزیر یورپ وچ پولینڈ دے بطور اہم زرعی پیداوار کنندہ کردار کوں اجاگر کیتا جیڑھا دنیا وچ رائی ??ی برآمدات وچ ݙوجھے تے سیب ??ی برآمدات وچ تریجھے نمبر تے اے۔ ایندے علاوہ کݨک، جو، جئی، چقندرِ شکر، تماخوں، پھل تے آلو دی نمایاں پیداوار وی کریندے۔ انہاں زور ݙتا جو پاکستان تے پولینڈ اناج، پھل، لائیوسٹاک تے فوڈ پروسیسنگ دے شعبیں وچ سانجھے تعاون نال خاطر خواہ فیدے حاصل کر سڳدن۔ ایس پی ایس دے مسئلیں تے ڳالھ مُہاڑ کریندے رانا تنویر حسین آکھیے جو پاکستان دے برآمد کنندگان کوں پولینڈ دی منڈی تئیں رسائی وچ اوکھ دا سامݨا اے کیوں جو یورپی یونین دے سخت معیارات ٹرانسپورٹ، اسٹوریج، افلاٹاکسن تے پیکنگ دے معاملات وچ رکاوٹ بݨدن۔ انہاں پاکستان دے ڈیپارٹمنٹ آف پلانٹ پروٹیکشن (ڈی پی پی) تے پولینڈ دے نیشنل پلانٹ پروٹیکشن آرگنائزیشن (این پی پی او) وچال ایس پی ایس تقاضیں دی ہم آہنگی کیتے پولینڈ دی حمایت دی درخواست کیتی۔ ایں توں انڄ انہاں فوڈ سیفٹی، تصدیقی نظام تے استعداد کار وچ تعاون کوں ضروری قرار ݙتا۔ وفاقی وزیر ݙسیا جو پاکستان ایں ویلھے چاول، امب، تِل، پِنڈُوں تے الفالفہ بج پولینڈ کوں برآمد کریندا پئے تاں جو اے مقدار پاکستان دی پیداواری صلاحیت دے مقابلے وچ ٻہوں گھٹ اے۔ پولینڈ توں درآمدات وچ زیادہ ترآلوں دا نشاستہ تے ٹورٹیلا ریپس شامل ہن۔ انہاں کنوں ، چاول، امب تے حیوانی مصنوعات کوں برآمدات وچ ودھارے کیتے بہترین موقع قرار ݙتا تے زور ݙتا جو پولینڈ پاکستان توں ترش پَھلاں دی درآمد دی اجازت ݙیوے، جیڑھے پہلے ہی برطانیہ، ناروے تے روس سودھے 40 توں ودھ ملکاں کوں برآمد کیتے ویندے پئن۔ ݙوہائیں فریقین لائیوسٹاک دے شعبے وچ تعاون ودھاوݨ تے وی ڳالھ مُہاڑ کیتی۔ وزیر نے جانوراں دی صحت، ویٹرنری سائنسز، گوشت دی تجارت تے ڈیری پروڈکشن وچ تعاون کیتے ہک مشترکہ ورکنگ گروپ دے قیام دی تجویز ݙتی۔ انہاں آکھیا جو پاکستان پہلے ہی پولینڈ کوں جانوراں دیاں آنتاں برآمد کریندا پئے تے اے تعاون پکئے گوشت، کُکڑ تے پروسیسڈ فوڈ تئیں ودھایا ونڄ سڳدے۔ ملاقات وچ زرعی تعاون دے ٻئے شعبیں تے وی ڳالھ مہاڑ کیتی، جیندے وچ ایلیٹ فصلاں دے جینیاتی وسائل دا تبادلہ، بعد از کٹائی انتظام و ویلیو ایڈیشن تے مشترکہ تحقیق، زراعت وچ قابلِ تجدید توانائی دا استعمال، پاݨی دا تحفظ، بنجر زمیناں ??ی بحالی کیتے بایوٹیکنالوجی تے آرگینک فارمنگ و سرٹیفکیشن وچ مہارت دا تبادلہ شامل اے۔ وفاقی وزیررانا تنویر حسین پولینڈ دے نال زراعت تے غذائی تحفظ دے ??ید??ن وچ لمبی مدت شراکت داری قائم کرݨ دے پاکستان دے عزم دا اعادہ کیتا۔ انہاں اعتماد ظاہر کیتا جو ݙوپاسے تعاون دے ودھارے نال تجارت، ٹیکنالوجی دے تبادلے تے پائیدار زرعی ترقی دے نویں رستے کُھلسن۔
