اسلام آباد۔3 مئی (اے پی پی) وزیراعظم محمد شہباز شریف دی شمالی وزیرستان اتے باجوڑ اچ خارجیاں کوں ہلاک اتے مہمند اچ 2 خارجیاں کوں گرفتار کرݨ تے سیکیورٹی فورسز کوں خراج تحسین پیش کیتے۔ وزیراعظم دفتر دے میڈیا ونگ توں جاری بیان موجب وزیراعظم سیکیورٹی آپریشن اچ ہک انتہائی مطلوب غیر ملکی سرغنہ کوں جہنم واصل کرݨ اتے ہک انتہائی مطلوب غیر ملکی سرغنہ کوں گرفتار کرݨ تے سیکیورٹی فورسز دی تعریف کریندے ہوئیں آکھیے جو انسانیت دے دشمناں دے مذموم عزائم کوں ایویں مٹی اچ ملیندے رہسوں، ملک توں دہشت گردی دے منڈھوں خاتمے تئیں ساݙی دہشت گرداں دے خلاف جنگ جاری رہسی۔
