اسلام آباد۔12جون(اے پی پی) وزیراعظم دے کوارڈینیٹر معیشت وتوانائی ??لال اظہرکیانی آکھیے ھک سال دی مسلسل محنت دے بعد الحمدللہ روس توں سستے خام تیل دا جہاز کراچی پڄ ڳئے جیں تے او قوم کوں مبارخ ݙیندن ۔ آپݨے ھک ٹویٹ اچ انہاں آکھیے سلیکٹڈڈ، نالائق اتے نااہل کݙاہیں وی روس توں تیل منگواوݨ دا کوئی ??نتظام نہ کیتا ہئی ?? چار سال ݙوجھیں دے منصوبیں تے تختیاں لاوݨ آلے عادی کوڑے ہن ر??س توں خام تیل پاکستان پڄݨ دا کریڈٹ گھنݨ دی ناکام کوشش کریندے پئن ۔ پی ٹی آئی منگوایا ہئی ??اں ھک سال بعد کیوں پڄے ؟ انہاں آکھیے حقیقت اے ہے جو اتحادی حکومت جیڑھا وعدہ کیتا ہئی ?? ھک سال دی محنت دے بعد اینکوں پورا کر ݙکھائے کیوں جو اساں دعوے نی کریندے ، وعدے پورے کریندوں ۔ حقائق اے ہن جو پی ٹی آئی کݙاہیں وی روس توں تیل منگواوݨ دا کوئی ??نتظام نہ کیتا ہئی ۔ عمران خان دے فروری 2022 اچ دورہ ماسکو دے بعد روس توں تیل مل گھنݨ متعلق کوئی ??یکارڈ موجود کائنی ۔ شروع توں آخر موجودہ حکومت ہی روس توں خام تیل منگواوݨ دے وعدے کوں پورا کیتے۔ انہاں آکھیے نوازشریف وانڳوں ہروعدے دی تکمیل اتے عوامی خدمت کوں یقینی بݨاوݨ ساݙا منشور اتے سیاست اے جیڑھا جو وزیراعظم شہباز شریف دی قیادت اچ جاری اے۔
