اسلام آباد۔ 3 جون (اے پی پی) صدر مملکت آصف علی زرداری بلوچستان اچ 2 مختلف کارروائیاں اچ فتنہ الہندوستان دے 7 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کریندے آکھیے جو دہشت گرداں دے منڈھوں خاتمے تئیں سکیورٹی فورسز دیاں کارروائیاں جاری رہسن۔ ایوان صدر دے پریس ونگ موجب صدر مملکت انٹیلی جنس دی بنیاد تے کارروائیاں دے دوران بھارتی پراکسی دے 9 دہشت گرداں کوں مکاوݨ تے سکیورٹی فورسز دی بہادری دی تعریف کیتی۔ انہاں آکھیے جو بھارت آپݨی پراکسی دے ذریعے پاکستان اچ دہشت گردی کھنڈیندا پئے ۔ دہشت گرداں دے منڈھوں مکاوݨ تئیں سکیورٹی فورسز دیاں کارروائیاں جاری رہسن۔ صدر مملکت آکھیے جو پاکستان دی سکیورٹی فورسز فتنہ الہندوستان کوں مکاوݨ کیتے کارروائیاں کریندیاں پئی اے ، دہشت گرد عناصر کوں مکاوݨ اتے ملکی دفاع کیتے ساݙا عزم غیر متزلزل رہسی۔ انہاں دہشت گردی منڈھوں مکاوݨ دے قومی عزم دا وی اظہار کیتا۔
