اسلام آباد۔25ستمبر(اے پی پی) وفاقی وزیر تخفیفِ غربت و سماجی تحفظ سید عمران احمد شاہ نال کوریا دی تنظیم ہیونلی کلچر ورلڈ پیس ریسٹوریشن آف لائٹ (ایچ ڈبلیو پی ایل) دے وفد انہاں دے دفتر اچ ملاقات کیتی۔ پریس ریلیز موجب وفد دی قیادت چیف برانچ منیجر، گلوبل 10 برانچ کم جون یون کیتی۔ ملاقات اچ ڳ??لھ ??ہاڑ دا مرکز ایچ ڈبلیو پی ایل دا پیش کیتا ڳیا اعلانِ امن و خاتمہ جنگ (ڈی پی سی ڈبلیو) رہیا۔ وفد آپݨے امن مشن اتے انسانیت دی خدمت دے اقدامات تے روشنی پاتی جنہاں اچ چھل آلے علاقیں اچ امدادی سرگرمیاں شامل ہن۔ وفد کشمیر، فلسطین اتے ٻئے ملکاں اچ جاری انسانی بحراناں تے وی تشویش دا اظہار کیتا۔ وفاقی وزیر وفد کوں ݙسایا جو پاکستان دہشت گردی دے خلاف جنگ اچ ہزاراں جاناں دی قربانی ݙتی اے۔ انہاں آکھیا جو وزیراعظم اتے ملکی قیادت پاکستان کوں پائیدار امن اتے ترقی دی راہ تے ٹورݨ کیتے پکی اے۔ انہاں بھ??رت دیاں اشتعال انگیزیاں دا مونہہ بھن جواب ݙیوݨ اتے ملکی خودمختاری دے تحفظ تے پاکستان دی افواج اتے عوام دے عزم کوں وی خراجِ تحسین پیش کیتا۔ وفاقی وزیر پنجاب اچ جاری چھل دیاں امدادی سرگرمیاں دا ذکر کریندے آکھیا جو وزارتِ تخفیفِ غربت و سماجی تحفظ دے تلے مختلف اقدامات کیتے ویندے پئن تاں جو متاثرہ خانداناں تئیں وقتی ریلیف پیکجز پڄائے ونڄ سڳن، حکومت پنجاب وی چھل متاثرین دی بحالی کیتے ہر ویلھے کوشش کریندی پئی اے۔ ایں موقع تے حامد حمید (سابق وزیرِ مملکت) اتے نوید عامر جیوا (رکن قومی اسمبلی) وی موجود ہن۔ ملاقات اچ ݙوہیں فریقاں ایں عزم دا اظہار کیتا جو عالمی امن، انسانی خدمت اتے سماجی تحفظ دے ودھارے کیتے تعاون مزید تکڑا کیتا ویسی تاں جو ڳالھ ??ہاڑ اتے آپت دی سمجھ ٻجھ دے ذریعے دنیا کوں زیادہ پرامن بݨایا ونڄ سڳے۔ یاد ر??ے جو ایچ ڈبلیو پی ایل ہک بین الاقوامی غیر سرکاری تنظیم اے جیڑھی عالمی امن کیتے کم کریندی پئی اے اتے جیں دا اقوام متحدہ دے ڈیپارٹمنٹ آف گلوبل کمیونیکیشنز اتے اکنامک اینڈ سوشل کونسل (ECOSOC) دے نال مشاورتی تعلق اے
