اسلام آباد۔23مارچ(اے پی پی) نائب وزیراعظم و وزیر خارجہ سینیٹر محمد اسحاق ڈار یوم پاکستان تے قوم کوں مبارخ ݙیندے آکھئے 23 مارچ 1940 دے تاریخی ݙینھ برصغیر دے مسلماناں ’’قرارداد پاکستان‘‘ منظور کیتی تے ھک انڄ وطن دا مطالبہ کیتا جتھاں او اسلام دے اصولاں موجب زندگی گزار سڳن، آپݨے وݙیں دی غیر متزلزل اتے دلیرانہ کوششاں، وژن تے عزم کوں خراج تحسین پیش کریندوں تے انہاں دا احترام کریندوں ۔ یوم پاکستان تے آپݨے سنھیے اچ انہاں آکھیے ساݙے وݙیں دی غیر متزلزل جدوجہد دے نتیجے اچ ھک آزاد پاکستان دا قیام عمل اچ آئے ۔ قائداعظم محمد علی جناح پاکستان دی تحریک دی قیادت کریندے بے شمار چیلنجز تے شاندار لچک، بہادری اتے یقین نال قابو پاتے۔ انہاں آکھیے جݙاں اسا یوم پاکستان دا جشن منیندوں تاں دراصل اساں اتحاد، ایمان ا??ے نظم و ضبط دی اقدار سانڳے آپݨی لڳم دا اعادہ کریندوں جنہاں اساکوں ایں جاہ تئیں پڄائے۔ اساں آپݨے شہداء اتے ہیروز کوں وی خراج تحسین پیش کریندوں جیڑھے جو پاکستان سانڳے ماݨ ہن ۔ ہر سال 23 مارچ کوں اساکوں آپݨے ملک دے سفر تے اجتماعی غور کرݨ، اپݨے ماضی دے تجربے توں سبق ??کھݨ تے بہتر مستقبل سانڳے جدوجہد کرݨ دا پکا عہد کرݨ دا موقع ملدے ۔پاکستان او شناخت اے جیڑھی اساں بے پناہ قربانیاں دے ذریعے بݨائی اے۔انہاں آکھیے مقبوضہ کشمیر دے مظلوم لوکاں کوں انہاں دا حق خود ارادیت نی ملدا اوں تئیں پاکستان ا??لاقی تے سفارتی مدد ݙیوݨ سانڳے آپݨے عزم تے ثابت قدم رہسی۔ ایں خاص ݙینھ تے ٻاہرلے ملک رہݨ آلے آپݨے ساتھی پاکستانیاں کوں مبارخ ݙینداں انہاں دی حب الوطنی، لڳن ا??ے محنت دی تعریف کرینداں او ماݨ نال بین الاقوامی سطح تے پاکستان دی نمائندگی کریندن تے ملک دی مستقبل دی کامیابی کوں تشکیل ݙیوݨ اچ اہم کردار نبھیندن۔
