اسلام آباد۔16جنوری (اے پی پی) پاکستان دا غزہ اچ جنگ بندی معاہدے دا خیر مقدم کریندیں ہوئیں ایں تے فوری اتے مکمل عملدرآمد دا مطالبہ کیتے۔ ترجمان دفتر خارجہ توں خمیس کوں جاری بیان اچ توقع کیتی ڳئی جو اے جنگ بندی مستقل جنگ بندی دا باعث ٻݨسی اتے انسانی امداد کوں ودھاوݨ اچ مدد ملسی۔ بیان اچ ٻیا آکھیا ڳئیا جو اسرائیلی قابض فوج ولوں طاقت دے اندھا دھند استعمال نال شدید جانی تے مالی ضیان تھیے اتے لکھاں بے گناہ فلسطینی شہری بے گھر تھی ڳئن۔ ترجمان آپݨے بیان اچ آکھیا جو اسرائیل دے عزائم پورے خطے کوں غیر مستحکم ??ر ݙتے۔ بیان موجب پاکستان مسئلہ فلسطین دے منصفانہ، جامع اتے پائیدار حل کیتے آپݨی حمایت کریندے جئیں اچ جون 1967 توں پہلے دی سرحداں تے ہک خودمختار فلسطینی ریاست ٻݨائی ونڄے، جئیں دا دارالحکومت القدس الشریف ہووے۔
